خلينا نبدأ بالإسقاط، حاول تحبه معلش لأنه مش صعب بس رخم شوية. حاول تصاحبه، لأنه في الامتحانات بييجي من المحاضرات بالنص، وعلشان كده لازم تحفظه.
تعالى بقى للرسم: في البداية هتاخد المماسات — سهلة وبسيطة وحلوة علشان تبدأ تحرك إيدك على اللوحة. بعد كده، بعد الميدترم، تبدأ الجد مع استنتاج المساقط. فيه طرق كتير، بس الأحسن ترسم كل حاجة شايفها في كل مسقط، وبعدين تكمل الباقي بخط متقطع (Dash Line).
ذاكر أول بأول، سواء مع الدكتور أو من يوتيوب — هتلاقي اللينك في الداتا. أهم حاجة: تحل الشيتات بإيدك. المادة مش صعبة، بس ما تسيبهاش لآخر لحظة وتقول "مش قادر أذاكر".
المادة سهلة، وفيها شرح حلو على يوتيوب. يمكن تحسها طويلة، لكن ميزة كبيرة إنها الوحيدة اللي مفيش فيها إعادة للميدترم في الفاينل. يعني هتذاكر جزء وتمتحنه وخلاص. حل الشيتات مهم جدًا لأن منها بييجي الامتحان.
عارف إنها أصعب مادة في الترم، بس هي اللي بتفرق بين الطلاب بجد. ناس كتير بتسيبها، فدي فرصتك إنك تتميز.
حل الشيتات مرتين: مرة أول الترم، ومرة تانية قبل الامتحان. لو عملت كده، هتجيب +٩٥٪ بإذن الله — عن تجربة.